काठमाडौं। गायक प्रताप दास र गायिका अन्नु चौधरीको सशक्त स्वरमा सजिएको नयाँ नेपाली गीत ‘एउटै सपना’ सार्वजनिक भएको छ। गहिरो प्रेम र भावनात्मक उतारचढावको कथालाई प्रस्तुत गर्ने गीतले छोटो समयमा नै दर्शक–श्रोताको ध्यान तानेको छ।
गीतको भिडियोमा जापानमा बसोबास गर्दै आएका चर्चित मोडल शिरीष गौतम र मोडल सुष्मा थापा को अभिनय देख्न सकिन्छ। टिकटकमार्फत पहिचान बनाएका गौतम जापानमा होटल व्यवसाय समेत सञ्चालन गर्दै आएका छन्।
गीतको शब्द लेखन किशोर पोख्रेलले गरेका छन् भने सङ्गीत तथा संगीत संयोजन सरोज पोखरेलको रहेको छ। भिडिओ गोविन्द बिष्टको निर्देशनमा तयार गरिएको हो।
सार्वजनिक भएको केही दिनमै गीतले युट्युबमा १५ हजारभन्दा बढी भ्युज र ४ सयभन्दा बढी लाइक पाइसकेको छ। समसामयिक प्रेम, संघर्ष र युवाको सपना बोकेको गीतले पछिल्लो पुस्ताको भावनालाई कलात्मक रूपमा अभिव्यक्त गरेको छ।
‘एउटै सपना’ केवल मनोरञ्जन मात्र होइन, समयसँगै भावनात्मक रूपमा कालजयी बन्ने सम्भावना बोकेको गीतको रूपमा हेरिएको छ।
