काठमाडौँ । आईपीएल २०२५ को ६७ औं खेलमा चेन्नई सुपर किंग्सले गुजरात टाइटन्सलाई २३१ रनको लक्ष्य दिएको छ।
अहमदाबादको नरेन्द्र मोदी स्टेडियममा चेन्नईले टस जितेर बलिङ गर्ने निर्णय गरेको थियो । टोलीले २० ओभरमा ५ विकेट गुमाएर २३० रन बनायो ।
चेन्नईका लागि रविन्द्र जडेजा २१ रन बनाएर अविजित फर्किए । जबकि डेवाल्ड ब्रेभिसले २३ बलमा ५७ रनको इनिङ खेले । यस्तै, डेभन कोनवे (५२ रन) ले पनि अर्धशतक बनाए । ओपनर आयुष म्हात्रेले ३४ र उर्विल पटेलले ३७ रन बनाए ।
गुजरातका प्रसिद्ध कृष्णले दुई विकेट लिए । साई किशोर, राशिद खान र शाहरुख खानले एक–एक विकेट लिए ।
जवाफमा ब्याटिङमा उत्रिएको गुजरातले ४.३ ओभरमा तीन विकेट गुमाएर ३० रन बनाएको छ । प्रभावशाली खेलाडी साई सुदर्शन क्रिजमा छन् । शेर्फेन रदरफोर्ड शून्य, जोस बटलर ५ रन र कप्तान शुभमन गिल १३ रनमा आउट भए । अंशुल कम्बोजले २ विकेट लिए । खलिल अहमदले एक विकेट लिए ।
