काठमाडौँ । च्याम्पियन्स ट्रफी २०२५ को फाइनल खेल भारत र न्युजिल्याण्डबीच जारी छ ।
दुबईको अन्तर्राष्ट्रिय रंगशालामा जारी खेलमा न्युजिल्याण्डले भारतलाई २५२ रनको लक्ष्य दिएको छ । टस जितेर पहिले ब्याटिङ रोजेको न्युजिल्याण्डले निर्धारित ५० ओभरमा ७ विकेटको क्षतिमा २५१ रन जोड्यो ।
उसका लागि डेरिल मिचेलले ६३, माइकल ब्रेसवेलले अविजित ५३, रचिन रविन्द्रले ३७, ग्लेन फिलिप्सले ३४, विल योङले १५ तथा टम लाथमले १४ रन जोडे ।
बलिङतर्फ भारतका कुलदीप यादव र वरुण चक्रवर्तीले दुई–दुई तथा रविन्द्र जडेजा र मोहम्मद शामीले एक–एक विकेट लिए ।
