काठमाडौँ । नेपाली युवा फुटबल टोलीले चीनको युनान युथ फुटबल टोलीसँग मैत्रीपूर्ण खेल खेल्दैछ ।
त्रिपुरेश्वरस्थित दशरथ रंगशालामा आज दिउँसो २ः३० बजे हुने उक्त खेल अवलोकन गर्न प्रधानमन्त्री ओली पनि रंगशाला जानुहुने भएको छ ।
यो मैत्रीपूर्ण खेलको लागि प्रशिक्षक राजेश शाहीले गत मंगलवार २३ सदस्यीय युवा टोली घोषणा गरेका छन् ।
नेपाली टोलीमा तीन गोलकिपरः जियारथ शेख, कृषल मोक्तान, विशाल केसी तथा डिफेन्डरमा सिमान्त थापामगर (कप्तान), सविन घिमिरे, राम थापा, विशाल नेपाली, अश्विन घोरासैनी, विक्रम तामाङ छन् ।
मिडफिल्डरमा सरोज दार्लामी, लक्षु थापा, कृष्ण आले, ओमप्रकाश बम, सविन लुङ्गेली, आशिष राई, विक्रम गौतम, धर्मेन्द्र कुँवर तथा फरवाडर्माः निराजन धामी, सुजन मगर, नीरज कार्की, निरोज चौधरी, श्यरब लो तामाङ र विज्ञान खड्का छन् ।
