बर्दिया । नेपाली काँग्रेसका केन्द्रिय सदस्य अब्दुल सत्तारले नेता तथा कार्यकर्ताहरुलाई गुट भन्दा पार्टी बलियो बनाउन आग्रह गर्नुभएको छ । बर्दियामा नेता तथा कार्यकताहरुसंगको अन्तरसम्बादमा नेता सत्तारले गुट भन्दा पार्टी बलियो बनाउन आग्रह गर्नुभएको हो ।
उहाँले भन्नुभयो -पार्टी सांगठिनक रुपमा कमजोर छैन र आपसीद्धन्द्धका कारण नै सोचेजस्तो नतिजा आईरहेको छैन । चौधौ महाधिबेशन पछि काँग्रेस चार अभियान लिएर जनताका बिचमा गएको स्मरण गर्दे उहाँले अहिले नै मिसन ८४ भनेर आत्तिनु पर्ने अबस्था नरहेको बताउनु भयो ।
नेता सत्तारले मिसन ८४ भन्दा अगाडी पार्टीको १५ औ महाधिबेशन आउने हुँदा स्वच्छ छबि भएका नेता चयन गरे जनताले खोजेजस्तो काग्रेस बन्ने र नतिजा पनि सकारात्मक आउने बताउनु भयो ।
उहाँले स्थानिय नेताहरुलाई जनताका बिचनमा पुग्न आग्रह गर्ने पार्टीको अभियानलाई सफल बनाउन सुझाब दिनुभयो । सांगठनिक रुपमा बलियो रहे पनि बर्दीया जिल्लामा चुनावी परिणाम सोचे जस्तो हुन नसकेको बिषयमा पनि गम्भिर समिक्षा गर्न आग्रह गर्नुभयो ।
