काठमाडौं । सर्वोच्च अदालत बार एसोसिएनको अध्यक्षमा मेघराज पोखरेल निर्वाचित हुनु भएको छ । कुल छ सय २६ मतदाता रहेको बारको नयाँ नेतृत्व चयनका लागि आज निर्वाचन भएको थियो ।
पोखरेल ३६८ मत प्राप्त गर्दे विजयी हुनु भएको हो । उहाँका निकटतम प्रतिद्वन्द्वी महेश कुमार थापाले १८१ मत प्राप्त गर्नुभयो भने अर्का उम्मेदबार प्रेमसिंह धामीले १५ मत प्राप्त गर्नुभयो ।
पोखरेल नेपाली कांग्रेस र नेकपा एकीकृत समाजवादीनिकट कानुन व्यवसायी संगठनका साझा उम्मेदवार बन्नु भएको थियो ।
महेशकुमार थापा नेकपा एमाले, नेकपा माओवादी केन्द्र, राप्रपा, रास्वपालगायत विभिन्न दलनिकट कानुन व्यवसायी संगठनबाट साझा उम्मेदवार बन्नु भएको थियो ।
यसैगरी उपाध्यक्षमा अम्मर बहादुर राउत ,सचिवमा रमणकुमार कर्ण ,सह सचिवमा पुन्देवी महर्जन ,कोषाध्यक्षमा रामचन्द्र पौडेल बिजयी हुनु भएको छ ।
खुल्ला सदस्यमा दुर्गामोहन श्रेष्ठ, इन्द्रशेखर खड्का, प्रदीपकुमार श्रेष्ठ, नागेश्वरप्रसाद चौधरी, निर्मलप्रसाद उपाध्याय, ओमकृष्ण श्रेष्ठ, प्रमोद रेग्मी, पुरुषोत्तम लोहनी, प्रदीपकुमार राजवंशी र शतिशराज मैनाली विजयी हुनुभएको छ ।
