काठमाडौँ । स्थानीय तहको निर्वाचनबारे छलफल गर्नको लागि राजनीतिक समन्वय समितिको बैठक बस्ने भएको छ ।
प्रधानमन्त्रीसमेत रहनुभएका नेपाली कांग्रेसका सभापति शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल प्रचण्डबीच भेटवार्ता भएपछि बैठक भोलि बस्ने गरि बोलाइएको हो ।
कोरोना संक्रमणबाट मुक्त भएपछि अध्यक्ष प्रचण्ड प्रधानमन्त्री देउवालाई भेट्न बालुवाटार पुग्नुभएको थियो ।
प्रधानमन्त्री देउवा र अध्यक्ष प्रचण्डबीच आज छलफल भएको र स्थानीय तह निर्वाचनलगायत विषयमा छलफल गर्न भोलि राजनीतिक समन्वय समितिको बैठक बोलाउने कुरा भएको प्रचण्डका स्वकीय सचिव रमेश मल्लले जानकारी दिनुभयो ।
समन्वय समितिमा सत्तागठबन्धनका ५ दलका गरी ११ जना सदस्य छन्।
