काठमाडौं, माघ ३ । नेकपा एमालेले तीन विभाग गठन गरेको छ ।
केन्द्रीय कमिटीको म्याण्डेटअनुसार एमाले केन्द्रीय कार्यालयले हाललाई तीनओटा विभाग गठन गरेको हो ।
एमालेले सोमबार आर्थिक तथा कोष व्यवस्थापन विभाग, संगठन विभाग र स्थानीय तह विभाग गठन गरेको हो ।
आर्थिक तथा कोष व्यवस्थापन विभागको प्रमुखमा उपमहासचिव बिष्णु रिमाल रहनुभएको छ भने सदस्यहरुमा बिनाकुमारी श्रेष्ठ र डा. भीष्म अधिकारी हुनुहुन्छ ।
यस्तै, संगठन विभाग प्रमुखमा खगराज अधिकारी रहनुभएको छ भने सदस्यहरुमा भानुभक्त ढकाल, यमलाल कँडेल, काँशीनाथ अधिकारी, देवराज घिमिरे, कर्ण थापा, ज्वालाकुमारी साह, जगत बिश्वकर्मा र लिला गिरी सदस्य रहनुभएको छ ।
यसैगरी स्थानीय तह विभाग प्रमुखमा देवेन्द्र दाहाल, उपप्रमुखमा प्रभा बराल तथा सदस्यहरुमा अशोक ब्याञ्जु, होमनारायण श्रेष्ठ, नवराज गेलाल र हर्कराज राई रहनुभएको छ ।
