एजेन्सी । केही दिनयता खुट्टामा गोली लागेको कारण चर्चामा रहेका बलिउड अभिनेता गोविन्दाको स्वास्थ्य अचानक बिग्रिएको छ ।
हालै गोविन्दा शिव सेना शिन्दे गुटका उम्मेदवारको प्रचारप्रसारका लागि रोड शोमा सहभागी भएका थिए, तर त्यही क्रममा उनको छातीमा दुखाइ भएपछि उनलाई अस्पताल भर्ना गरिएको थियो ।
हालैको टाइम्स अफ इन्डियाको रिपोर्ट अनुसार गोविन्दा शिव सेना (शिन्दे गुट)का उम्मेदवारहरूको समर्थनमा पचोरामा रोड शोमा सहभागी थिए । र्याली जलगाउँ पुगेको थियो जब उनको छातीमा गहिरो दुखाइ भयो । स्वास्थ्य बिग्रिएपछि गोविन्दा र्याली बिचमै छाडेर अस्पताल पुगेका थिए ।
हाल उनको स्वास्थ्यको बारेमा कुनै जानकारी आएको छैन । केही रिपोर्टले गोविन्दा राति अबेर घर पुगेको दाबी गरेको छ । गोविन्दा आफैं कांग्रेसका पूर्व लोकसभा सांसद भइसकेका छन् ।
अक्टुबर १ मा बिहान गोविन्दाको खुट्टामा गोली लागेको थियो । गोविन्दा घरमा एक्लै थिए र एक कार्यक्रमको लागि कोलकाता जानुपरेको थियो । यसैबीच घरमा राखेको रिभल्भर सफा गर्ने क्रममा दुर्घटना भएको हो ।
गोविन्दाले बन्दुक सफा गरेर अलमारीमा राखेपछि बन्दुक खस्यो र मिस फायरिङका कारण गोली उनको खुट्टामा लाग्यो । उनलाई मुम्बईको क्रिटी केयर अस्पतालमा भर्ना गरिएको थियो । उनी ३ दिनपछि अस्पतालबाट डिस्चार्ज भएका थिए ।
