काठमाडौँ । च्याम्पियन्स लिग फुटबलमा इंग्लिस क्लब म्यान्चेस्टर सिटीले हार ब्यहोरेको छ । गएराति भएको खेलमा सिटी पोर्चुगिज क्लब स्पोर्टिङ सिपीसँग ४-१ गोलले स्तब्ध बनेको हो ।
घरेलु टोलि स्पोर्टिङलाई जित दिलाउन भिक्टर जियोकेरेसले ह्याट्रिक गरे भने म्याक्सिमिलाो अराओले एक गोल थपे । सिटीका फिल फोडेनले एक गोल गरे । खेलको चौंथो मिनेटमा नै फोडेनको गोलबाट सिटीले खेलमा अग्रता बनाएको थियो ।
तर, ३८ औं मिनेटमा भिक्टरले गोल गर्दै स्पोर्टिङलाई १-१ गोलको बराबरीमा ल्याए । त्यसपछि ४६ औं मिनेटमा अराओले गोल गरे भने ४९ औं र ८० औं मिनेटमा भिक्टरले गोल गर्दै स्पोर्टिङलाई ४-१ को जित दिलाए । दुबै गोल उनले पेनाल्टीमार्फत गरेका थिए ।
४ खेलमा १० अंक जोड्दै स्पोर्टिङ तालिकाको दोस्रो स्थानमा छ । ७ अंकका साथ सिटी छैटौं स्थानमा छ ।
