एजेन्सी । न्युजिल्याण्ड विरुद्धको बैंगलोर टेस्टको पहिलो इनिङ्समा भारतीय टोली अलआउट हुने कगारमा छ ।
टोलीले ४० रनमा ९ विकेट गुमाएको थियो । कुलदीप यादव र मोहम्मद सिराज क्रिजमा छन् ।
अहिले दोस्रो दिनको दोस्रो सत्र चलिरहेको छ । भारतीय कप्तान रोहित शर्माले टस जितेर ब्याटिङ रोजेका छन् ।
एम चिन्नास्वामी स्टेडियमको उछालपूर्ण पिचको फाइदा उठाउँदै न्युजिल्यान्डका फास्ट बलरहरूले रोहितको निर्णयलाई गलत साबित गरे ।
स्विङ र बाउन्सी पिचमा भारतीय ब्याट्सम्यानले आफ्नो पाइला पाउन सकेनन् । ऋषभ पन्तले सर्वाधिक २० रन बनाए । कप्तान रोहित शर्मा २ रन बनाएर आउट भए । उनलाई टिम साउथीले बोल्ड गरेका थिए ।
केही समय खेलेपछि यशस्वी जैसवाल १३ रनमा आउट भए । रविचन्द्रन अश्विन, रविन्द्र जडेजा, सरफराज खान र विराट कोहलीले खाता पनि खोल्न सकेनन् ।
न्युजिल्यान्डका म्याट हेनरीले ४ विकेट लिए भने विलियम ओउरकेले ३ विकेट लिए ।
