काठमाडौं । आज नेपाली बजारमा सुनको मूल्य ह्वात बढेको छ । स्थानीय बजारमा अघिल्लो कारोबारको दिन अर्थात् बुधबार रू. १०० ले बढेको सुनको भाउ बिहीबार रू. १ हजारले बढेको हो ।
नेपाल सुनचाँदी व्यवसायी महासंघका अनुसार बिहीबार छापावाला सुन प्रतितोला रू. ९३ हजार ७०० मा कारोबार भएको छ । बुधबार छापावाला सुनको मूल्य प्रतितोला रू. ९२ हजार ७०० मा कारोबार भएको थियो । बुधबारको तुलनामा बिहीबार छापावाला सुन प्रतितोला रू. १ हजारले बढेको हो ।
त्यसैगरी, तेजाबी सुन प्रतितोला रू. ९३ हजार २०० मा कारोबार भएको छ । बुधबार तेजाबी सुन प्रतितोला रू. ९२ हजार २०० मा कारोबार भएको थियो ।
यस्तै, बिहीबार चाँदीको मूल्य पनि बढेको छ । बुधबार प्रतितोला रू. १ हजार २८५ मा कारोबार भएको चाँदी बिहीबार रू. ३० ले बढेर रू. १ हजार ३१५ मा किनबेच भइरहेको छ ।
