काठमाडौं । आइसिसी टी-२० विश्वकप २०२४ को नेपाल र श्रीलंकाबीचको खेल हेर्न टिकट काटेका दर्शकले पैसा फिर्ता पाउने भएका छन् ।
आइसिसी विश्वकप २०२४ को ‘टिकेटिङ रिफाउन्ड पोलिसी’ अनुसार उनीहरुको पैसा फिर्ता हुने भएको हो ।
कुनै पनि खेल वर्षाका कारण एक बल पनि नखेली रद्द भएमा टिकटको रकम फिर्ता हुने पोलिसी छ ।
समूह ‘डी’ अन्तर्गत नेपाल र श्रीलंकाबीच अमेरिकाको फ्लोरिडास्थित ब्रोवार्ड काउन्टी रंगशालामा तय भएको खेल वर्षका कारण एक बल पनि नखेली रद्द भएको थियो ।
आइसिसीको आधिकारीक वेभपोर्टल वा टिकट ट्राभल पार्टनरमार्फत रकम फिर्ता लिन सकिने आइसिसीले जनाएको छ ।
यद्यपि, थर्ड पार्टी ब्रिकेताबाट टिकट खरिद गरेकाले भने रकम फिर्ता पाउने छैनन् ।
