बागलुङ । बिहीबार साँझ प्रधानमन्त्री बालेन्द्र शाह हिमाल पारीको जिल्ला मुस्ताङ भ्रमणमा जाने समाचार अकस्मात बाहिरियो । याे उनको प्रधानमन्त्री भएपछिको पहिलो जिल्ला भ्रमण थियो । देशका कार्यकारी प्रमुख मुस्ताङ जाँदा पक्कै हवाईमार्फत होला भन्ने लागेको थियो । लाग्नु पनि स्वभाविक थियो । किनकी, यसभन्दा अगाडिका प्रधानमन्त्रीले लामो दूरीको यात्रा गाडीमा कमैले गरेका थिए । राजधानी काठमाडौँदेखि करिब ५०० मिलोमिटर टाढा रहेको मुस्ताङ स्थलमार्ग पुग्न त्यत्ति सहज छैन ।
बालेन मुस्ताङ जाने भएपछि नेपाली सेनाको हेलिकप्टरमार्फत जान्छन् होला भन्ने धेरैको आँकलन पनि थियो । अनि शुक्रबार केही मिडियामा यो समाचार आएको पनि थियो । प्रधानमन्त्री आजै पोखरा पुग्नासाथ सेनाको हेलिकोप्टर बाट मुस्ताङ जाने, त्यसका लागि पोखरामा सेनाको हेलिकोप्टर तयार रहेको समाचार पनि अएको थियो शुक्रबार ।
शुक्रबार बिहानै प्रधानमन्त्री बालेन गाडीमै यात्रा सुरु गरे । मुस्ताङ यात्रामा निस्किएका शाह धादिङको गजुरीस्थित नेपाली सेनाको भैरव गणमा रोकिए । उक्त गणमा करिब २० मिनेट रोकिएका उनी पोखरा लागे । नेपाली सेनाबाहेक अन्य कुनै पनि सुरक्षा निकायलाई थाहै नदिई यात्रा सुरु गरेका बालेन पृथ्वी राजमार्ग हुँदै तनहुँ सदरमुकाम दमौली आए ।
दमौली स्थित नेपाली सेनाको ब्यारेकमा विहानको खाना खाएर प्रधानमन्त्री बालेन शाह कास्कीको माच्छापुच्छ्रे« गाउँपालिका–६ अस्तामस्थित अन्नपूर्ण ईको भिलेज पुगे । दिउँसो ३ बजे रिसोर्ट पुगेका उनको रात त्यही बित्यो । काठमाडौँदेखि नै सिधा हवाई यात्रामा मुस्ताङ जाने कतिपयको आँकलन गाडीमै पोखरा आउँदा फेल खाइसकेकोल थियो । पोखराबाट त सिधा हवाईमार्फत मुस्ताङ जान्छन् भन्ने धेरैको अड्कल पनि बालेनले फेल गराइ दिए ।
उनी पोखराबाट पनि गाडीमै मुस्ताङको यात्रा गरे । विहान १० बजे अन्नपूर्ण ईको भिलेजबाट यात्रा सुरु गरेका बालेन विहान ११ः२० बजे बागलुङ र पर्वतको संगम मालढुङ्गा आइपुगेका थिए । अस्तामबाट यात्रा सुरु गरेका बालेन पर्वत, बागलुङ बेनी कतै पनि नरोकी म्याग्दीको अन्नपूर्ण गाउँपालिका–२ भुरुङ तातोपानी स्थित होटल हट नेचुरल स्पाइरिङमा रोकिन पुगे ।
खाना खानका लागि करिब एक घण्टा त्यहाँ बिताएका बालेन सिधै मुस्ताङ हानिएर करिब चार बजे मुस्ताङ पुगे । पोखरा–बेनी सडक सहज भए पनि बेनी–जोमसोम सडक भने निकै जोखिमपूर्ण छ । दर्जनौँ ठाउँमा पहिरो र बाढीले भत्किएको सडक, उप्किएको कालोपत्रे र छियाछिया परेका टायरको डोबहरुमै बालेनको एक्सप्रेस गाडी रोकिएन ।
साँघुरा, अप्ठ्यारा र अति जोखिमूर्ण सडकलाई नै बालेने चुनौती दिँदै गाडी घुइँकाई रहे । ठाउँ ठाउँमा हातमा फुल लिएर स्वागतका लागि बसेका नगरिकको बेवास्ता गर्दै घुइँकिएका बालेन अन्ततः गाडीमै मुस्ताङ पुगे । हुन त गाडीमा यात्रा गर्नु समान्य कुरानै हो । तर देशको गरिमामय पदमा रहेको व्यक्ति स्वयं गाडी हाँकेर काठमाडौँदेखि मुस्ताङ पुग्नु त्यत्ति सहज भने छैन । कतिपयले उनको यो यात्रालाई ‘स्टनण्ड’ भनेका छन् भने कतिले देशको अभिभावकले दूर दराजको समस्या हिडेरै बुझ्न खोजेको भन्ने गरेका छन् ।
काठमाडौँदेखि म्याग्दी सदरमुकाम बेनी बजारसम्म सडक सहज भए पनि त्यसभन्दा माथिको अवस्था निकै खराब छ । वर्षौ सवारी साधान चलाउने चालकलाईनै यात्रा गर्न धौ धौ पर्ने बेनी–जोमसोम सडक बालेनले गाडी चलाएरै यात्रा गर्नु चानचुने भने छैन । माथिपट्टी अनकन्टार भिर, तलपट्टी उर्लिएको कालीगण्डकी र बीचमा गाडीको टायर मात्रै अट्ने सडकमा यात्रा गर्दा बालनेनै पक्कै लागे होला ‘यस्तो सडकमा हजारौँ नागरिक र स्वदेशी विदेशी पर्यटक कसरी यात्रा गर्छन् ।’
अन्नपूर्ण गाउँपालिकाको केन्द्र पोखरेबर नजिकको महभिरको सडकमा यात्रा गर्दा पक्कै पनि बालेन झिसिङ्ग भएर मुटु छामे होलान् । सायद यो सडक देशकै अति जोखिमपूर्ण सडकका रुपमा लिइन्छ । यहाँ मात्रै होइन, दाना, रुप्से झरना हुँदै मुस्ताङको सिमाना घाँसासम्मको सडकमा यात्रा गर्दा उनलाई पनि सहज लागेन होला । उनले त आज मात्रै यात्रा गरेका हुन् । यो सडक भएर दैनिक यात्रा गर्ने हजारौँ नागरिकलाई कस्तो हुँदो हो ? र कस्तो हुँदो हो, ति विदेशी पर्यटकलाई ।
बालेन सुखमै जन्मे, हुर्के र यहाँसम्म आइपुगे । उनलाई मह भिरको जस्तो अनकान्टर भिरमा यात्रा गर्नु परेको थिएन होला । रुप्सेको हिलोमा जस्तो फस्नु परेको थिएन होला र अनुभूत गर्नु परेको थिएन होला । तर अब पक्कै पनि अनुभूत गरे होलान्, मुस्ताङीको पीडा ।
बालेनको सानो साहसले मुस्ताङ गाडी हाकेर पुगेका पक्कै होइनन् । व्यक्तिगत भ्रमण भए पनि यहाँका समस्या, नागरिकको पीडा र संभावनाका बारे अवस्य पनि बुझ्ने छन् । त्यति मात्रै होइन समाधानका लागि पनि कदम चाल्ने छन् । देशको प्रधानमन्त्रीको यो यात्रालाई सामान्य रुपमा लिनु हुँदैन । मुस्ताङ आफै पनि धार्मिक र पर्यटनका हिसाबले अगाडि छ, त्यसमाथि देशको प्रधानमन्त्रीको भ्रमणले यहाँको विकासमा केही टेवा पुग्ने नै छ ।
उनलाई बालकदेखि वृद्धसम्मले ठूलो भरोसा गरेका छन् । आम नागरिकको भरोसालाई टुटाउने छुट बालेनलाई छैन । दशकौँदेखि नागरिकले जोखिमपूर्ण यात्रा गर्दै आएको सडकमा आफै गाडी कुदाएर यात्रा गरेका बालेनलाई अब भुइँ मान्छे र विकट ठाउँका नगरिकका पीडा पक्कै पनि बोध भएको हुनुपर्छ ।
बालेनको काठमाडौँ–मुस्ताङ यात्राका क्रममा धेरै नागरिक भेटे । ठाउँ–ठाउँमा रोकिएर नागरिकका गुनासा सुन्नेदेखि आर्शिवाद लिनेसम्म गरे । यसभन्दा अगाडिका अधिकांश प्रधानमन्त्रीले यसरी यात्रा गरेको त्यत्ति पाइँदैन । तर बालेनले चाहीँ यत्ति आँट गरे । अझ भनौँ गाडी हाँकेर हिमाल पारि पुगेका बालेनले पक्की पनि नेपाली जनताका लागि सुखद सन्देश दिने गरि सिंहदरबार छिर्ने छन् ।
नेपालको इतिहासमा यसरी काठमाडौँबाट सडक मार्गबाटै मुस्ताङ पुगेका प्रधानमन्त्री सायदै छन् होला । अनि आफैले गाडी चलाएर काठमाडौँबाट मुस्ताङ पुगेका प्रधानमन्त्री त छैनन् नै । त्यसैले यो यात्रालाई स्टण्ड मात्र भन्नु न्याय हुँदैन होला । बरु, यसलाई साहसका रुपमा हामीले हेर्न सक्छौँ । त्यसैगरी शनिबार र आइतबारको दुई दिन विदामा कुनै पनि कर्मचारी अर्थात् नागरिक यसरी पर्यटन भ्रमण गर्न सक्छन् भन्ने सन्देश पनि प्रधानमन्त्रीको यो भ्रमणले दिन खोजेको हुनसक्छ ।
