एजेन्सी । आईपीएल २०२४ को दोस्रो क्वालिफायर खेल सनराइजर्स हैदरावाद र राजस्थान रोयल्सबीच हुँदैछ । राजस्थानका कप्तान सञ्जु सामसनले अहिलेसम्म उत्कृष्ट प्रदर्शन गरेका छन् ।
तर दोस्रो क्वालिफायरमा राजस्थानको समस्या बढ्न सक्छ । टोलीका कप्तान सञ्जु पूर्णतया फिट छैनन् । रोयल च्यालेन्जर्स बैंगलोरविरुद्धको एलिमिनेटर खेलपछि उनले आफू पूर्णतया फिट नभएको बताए । उनको स्वास्थ्य राम्रो छैन ।
एलिमिनेटर खेलमा सञ्जुले खास केही गर्न सकेनन् । उनी १३ बलमा १७ रन बनाएर आउट भए । यद्यपि यो खेल राजस्थानले जितेको थियो । तर अहिले राजस्थानका लागि नराम्रो खबर भनेको सञ्जु पूर्णतया फिट नभएको हो ।
दोस्रो क्वालिफायरमा उनको समस्या बढ्यो भने टिमलाई घाटा हुन सक्छ । सामसनले भने कि उनलाई हल्का खोकी पनि लागेको थियो । राजस्थानको टोली दोस्रो क्वालिफायरका लागि हैदरावादसँग मैदान उत्रनेछ ।
हैदरावादविरुद्धको जित राजस्थानका लागि सहज हुनेछैन । लिगको अन्तिम खेलमा टोलीले हार बेहोरेको थियो । हैदरावादका खेलाडी अभिषेक शर्माले यो सिजन सानदार ब्याटिङ गरेका छन् । दोस्रो क्वालिफायरमा राजस्थानको समस्या बढ्न सक्छ । हैदराबादका लागि ट्राभिस हेडले पनि उत्कृष्ट प्रदर्शन गरेका छन् । उनीहरुले राजस्थानमा तनाव बढाउन सक्छन् ।
आईपीएल २०२४ को पहिलो क्वालिफायर सनराइजर्स हैदरावाद र कोलकाता नाइट राइडर्सबीच भएको थियो । यस खेलमा हैदरावाद ८ विकेटले पराजित भएको थियो । केकेआर जितेर फाइनलमा प्रवेश गरेको छ । अब हैदरावादको टोलीले दोस्रो क्वालिफायर राजस्थानको सामना गर्नेछ । यो खेल जित्ने टोलीले फाइनलमा केकेआरसँग खेल्नेछ ।
