काठमाडौँ । प्रधानमन्त्री पुष्पकमल दाहाल ‘प्रचण्ड’ले विश्वासको मत प्राप्त गर्नुभएको छ । नेपालको संविधानको धारा १०० को उपधारा (२)बमोजिम उहाँले प्रतिनिधिसभाबाट विश्वासको मत लिनुभएको हो ।
प्रमुख प्रतिपक्षी दल नेपाली कांग्रेसको विरोध र नाराबाजीबीच प्रधानमन्त्री ‘प्रचण्ड’ले विश्वासको मतसम्बन्धी प्रस्ताव पेस गर्नुभएको थियो ।
उहाँको पक्षमा १५७ मत परेको थियो । यस्तै, विपक्षमा एक मत पर्यो । १५८ सांसदले मतविभाजनमा भाग लिएका थिए ।
उहाँले संसद्बाट चौंथोपटक विश्वासको मत प्राप्त गर्नुभएको हो ।
