काठमाडौँ । एसीसी प्रिमियर कप क्रिकेटको फाइनलमा युएईले ओमानलाई २०५ रनको लक्ष्य दिएको छ ।
ओमानको अल अमिरात मैदानमा जारी खेलमा टस हारेर ब्याटिङ थालेको युएईले २० ओभरमा ४ विकेट गुमाएर २०४ रन जोड्यो । उसका लागि कप्तान मोहम्मद वासिमले शतकीय पारी खेले ।
५६ बल खेलेका उनले ६ चौका र ७ छक्काको मद्दतमा १०० रन जोडे । यस्तै, आसिफ खानले ३८ तथा अलिशान सराफुले ३४ रनको योगदान दिए ।
ओमानका लागि बिलाल खानले २ तथा सकिल अहमद र जिसन मकसुदले १–१ विकेट लिए । यो खेलको विजेताले एसिया कपमा स्थान बनाउनेछ ।
