एजेन्सी । संयुक्त अरब इमिरेट्स (युएई)छाडेर पाकिस्तान फर्किएका ब्याट्सम्यान उस्मान खानलाई इमिरेट्स क्रिकेट बोर्ड (इसीबी)ले ५ वर्षको प्रतिबन्ध लगाएको छ ।
उस्मानले २०२९ सम्म युएईमा हुने कुनै पनि ईसीबी प्रतियोगितामा भाग लिन पाउने छैनन् । यसमा दुई ठूला प्रतियोगिता आइएलटी–२० र अबु धाबी टी–१० पनि सामेल छन् ।
ईसीबीले उस्मानले आफ्नो दायित्व उल्लङ्घन गरेको आरोप लगाएको छ । बोर्डले आफ्नो विज्ञप्तिमा उस्मानलाई बोर्डप्रतिको जिम्मेवारी विपरीत गएको भन्दै यो प्रतिबन्ध लगाइएको जनाएको छ ।
उस्मानको जन्म कराँचीमा भएको थियो, तर उनले युएईका लागि घरेलु खेलाडीको रूपमा आईएलटी– र अबु धाबी टी–१० खेले । जब उनलाई पाकिस्तानी टोलीसँग प्रशिक्षण शिविरमा बोलाइएको थियो, उनले स्वीकार गरेका छन् ।
बोर्डले एक विज्ञप्तिमा उस्मानले युएईबाट खेल्ने आफ्नो निर्णयबारे ईसीबीलाई बहकाएको बताएको छ । उनले युएईको घरेलु खेलाडीका रूपमा आईएलटी–२० र अबु धाबी टी–१० मा भाग लिएका थिए । हालै उनले पाकिस्तान सुपर लिग (पीएसएल)मा पनि विदेशी खेलाडीको रुपमा नाम दर्ता गराए ।
पीएसएलमा मुल्तान सुल्तान्सका लागि सात खेल खेलेका उस्मान दोस्रो सर्वाधिक स्कोरर बने । यस अवधिमा उनले दुई शतक पनि बनाए ।
उनले केही समयअघि क्रिकइन्फोसँगको अन्तर्वार्तामा पाकिस्तानबाट खेल्ने इच्छा व्यक्त गरेका थिए । अब जब उनलाई सम्पूर्ण टोलीसहित प्रशिक्षण शिविरमा बोलाइएको थियो, उनले स्वीकार गरेका छन् ।
