काठमाडौँ । मैत्रीपूर्ण फुटबल खेलमा ब्राजिलले इंग्ल्याण्डविरुद्ध साँघुरो जित निकालेको छ ।
गएराति भएको खेलमा ब्राजिलले इंग्ल्याण्डलाई उसकै घरेल मैदान वेम्बले स्टेडियममा १–० गोलले पराजित गरेको हो ।
ब्राजिलको जितमा एकमात्र गोल एन्ड्रिकले गरे । उनले खेलको ८० औं मिनेटमा गोल गरेका हुन् । १७ वर्षका एन्ड्रिकले क्लब र देशका लागि वेम्बले स्टेडियममा गोल गर्ने कान्छा खेलाडी बन्दै कीर्तिमान समेत राखे ।
