एजेन्सी । चेन्नई सुपर किंग्स फेरि मैदानमा उत्रने तयारीमा छ । महेन्द्र सिंह धोनीको कप्तानीमा रहेको चेन्नईले गत सिजनको फाइनलमा गुजरात टाइटन्सलाई हराएको थियो ।
चेन्नईले आईपीएल २०२४ को पहिलो खेल रोयल च्यालेन्जर्स बैंगलोरसँग खेल्नेछ । यस सिजनमा रचिन रविन्द्र, तुषार देशपाण्डे र समीर रिजभीले राम्रो प्रदर्शन गर्न सक्छन् ।
रचिन रविन्द्र
न्यूजिल्याण्डका खेलाडी रचिन रविन्द्रले करियरमा पहिलो पटक आईपीएल खेल्ने भएका छन् । यो उनको लागि डेब्यु सिजन हुनेछ । रचिनले धेरै अवसरमा उत्कृष्ट प्रदर्शन गरेका छन् । उनले २० टी–२० अन्तर्राष्ट्रिय खेल खेलिसकेका छन् । यससँगै उनले २५ ओडिआई खेल पनि खेलेका छन् ।
रचिन रविन्द्रले ५६ टी–२० खेलमा ६७३ रन बनाएका छन् । उनी सन् २०२३ को विश्वकपमा चर्चामा आएका थिए । उनले निकै राम्रो प्रदर्शन गरेका थिए । यही कारणले चेन्नईले उनीमाथि ठूलो जोखिम लगायो ।
समीर रिजवी
समीर रिजवी उत्तर प्रदेशका खेलाडी हुन् । उनले घरेलु क्रिकेटमा राम्रो प्रदर्शन गरेका छन् । तर अहिलेसम्म उनले ठूलो मञ्चमा खेल्ने मौका पाएका छैनन् । यो आईपीएल सिजन रिजवीका लागि टर्निङ प्वाइन्ट हुन सक्छ । यदि उनले खेल्ने मौका पाए भने उनी धोनीका लागि ‘तुरुपको एक्का’ साबित हुन सक्छन् ।
तुषार देशपाण्डे
तुषार देशपाण्डे गेम चेन्जर खेलाडी हुन् । उनले गत सिजन सीएसकेका लागि प्रभावकारी प्रदर्शन गरेका थिए । तुषारले १६ खेलमा २१ विकेट लिएका थिए । यो उनको करियरको अहिलेसम्मकै उत्कृष्ट सिजन थियो ।
अवसर आए तुषारले ब्याटिङ पनि गर्न सक्छन् । उनले हालै रणजी ट्रफी खेलमा शतक बनाएका थिए । तुषारले ६७ टी–२० खेलमा ९९ विकेट पनि लिएका छन् । उनले ३६ प्रथम श्रेणी खेलमा ९७ विकेट लिएका छन् । योसँगै ५११ रन पनि बनाएका छन् ।
