एजेन्सी । क्यानडाको राजधानी ओटावामा छुरा प्रहार हुँदा ६ जनाको मृत्यु भएको छ । ओटावा प्रहरीले श्रीलङ्काका एक १९ वर्षीय विद्यार्थीलाई आफ्ना ६ जना रुममेटलाई छुरा प्रहार गरी हत्या गरेको आरोपमा पक्राउ गरेको छ । मृत्यु हुनेमा श्रीलंकाली परिवारका चार बालबालिका पनि छन् ।
ओटावाका प्रहरी प्रमुख एरिक स्टब्सले फाब्रिसियो डे(जोयसा भनेर चिनिने अभियुक्तले मानिसलाई धारिलो हतियारले आक्रमण गरेको बताए । उनीमाथि छ वटा फर्स्ट डिग्री हत्या र एक हत्या प्रयासको आरोप लगाइएको छ । प्रहरी अधिकारीले मृतकहरू हालै क्यानडा आएका श्रीलंकाली नागरिक रहेको बताए ।
जसमा ३५ वर्षीया आमा, सात वर्षीय छोरा, चार वर्षीया छोरी, दुई वर्षीया छोरी र साढे दुई महिनाकी छोरी रहेका छन् । साथै परिवारका चिनजानका ४० वर्षीय पुरुषको पनि मृत्यु भएको छ ।
प्रहरी प्रमुखले घटनापछि बालबालिकाका बुबा घरबाट बाहिर निस्केर मानिसहरूलाई ९११ मा फोन गर्न आग्रह गरेका थिए । श्रीमान् पनि गम्भीर घाइते भएका छन् र अस्पतालमा भर्ना छन् । उनले निर्दोष जनतामाथिको हिंसाको यो मूर्खतापूर्ण कार्य भएको बताए ।
ओटावास्थित श्रीलंकाली उच्चायोगले पीडितको परिवार श्रीलंकाको रहेको बताएको छ । बुबा बाँचे तर श्रीमती र छोराछोरी मरे । उच्चायोगले कोलम्बोमा पीडितका आफन्तसँग सम्पर्कमा रहेको बताएको छ ।
