एजेन्सी । राँची टेस्टको दोस्रो दिन इंग्ल्याण्डको नाममा रह्यो । इंग्ल्यान्डसँगको चौथो खेलको पहिलो इनिङ्समा भारत १३४ रनले पछि छ र उसको सात विकेट पनि खसेको छ । भारतीय टोलीले शनिबार पहिलो इनिङ्समा सात विकेट गुमाएर २१९ रन बनाएको छ ।
दोस्रो दिनको खेल समाप्त हुँदा ध्रुव जुरेल ३० र कुलदीप यादव १७ रनमा अविजित फर्किएका थिए । यी दुई खेलाडीबीच ४२ रनको अविजित साझेदारी छ ।
भारतका लागि यशस्वी जैसवाल (७३)ले अर्धशतक प्रहार गरे । इंग्ल्याण्डका लागि शोएब बसिरले ४ विकेट लिए । टम हार्टलीले २ सफलता पाए । त्यस्तै फास्ट बलर जेम्स एन्डरसनले एक विकेट लिए ।
यसअघि पहिलो इंग्ल्याण्डको टोली पहिलो इनिङ्समा ३ सय ५३ रनमा अलआउट भएको थियो । इङ्ल्यान्डका लागि जो रुट शतक (१२२) बनाएर नटआउट रहे । भारतका लागि रविन्द्र जडेजाले सर्वाधिक ४ विकेट लिए । पाँच खेलको शृङ्खलामा भारत अहिले २–१ ले अगाडि छ ।
