काठमाडौँ । मोरङको बूढीगंगा गाउँपालिका ४ प्रगती टोलमा लरी गाडी पल्टिएर दुर्घटना हुँदा एकै परिवारका दुईसहित तीनजनाको मृत्यु भएको छ ।
आर जे २९ जीबी १५६१ भारतीय नम्बर प्लेटको लरी गाडी दुर्घटना हुँदा तीनजनाले ज्यान गुमाएका हुन् । मृत्यु हुनेमा बूढीगंगा गाउँपालिका ४ का ६० वर्षीया ज्योती अधिकारीकी ४ वर्षीय छोरी इसिता अधिकारी, छोरा निशान्त अधिकारी र सन्जु खवासकी ८ वर्षीया छोरी रिहा खवासको मृत्यु भएको हो । ज्योतीका छोरा र छोरी जुम्ल्याहा रहेको प्रारम्भिक अनुसन्धानबाट खुलेको छ ।
आज (शुक्रबार) बिहान करिब ७ बजे कच्चा पदार्थ बोकेर उद्योगतर्फ जाँदै गरेको लरी दुर्घटना भएको थियो । उक्त लरी ज्योतीको घरमा पल्टिएको प्रहरीले जनाएको छ । पल्टिएको लरीले थिचेर तीन जना बालाबलिकाको घटनास्थलमा मृत्यु भएको हो ।
