एजेन्सी । आईपीएल २०२४ को मिनी लिलामीको काउन्टडाउन सुरु भएको छ । धेरै खेलाडीको भाग्य आज दुबईमा तय हुँदैछ । यस लिलामीमा अन्तर्राष्ट्रिय क्रिकेटका धेरै दिग्गज खेलाडीले आफ्नो नाम पठाएका छन् ।
आफ्नो कप्तानीमा अष्ट्रेलियालाई विश्व च्याम्पियन बनाउने प्याट कमिन्स पनि लिलामीको हिस्सा हुनेछन् । यद्यपि, सनराइजर्स हैदरावादका पूर्व प्रशिक्षक टम मुडीले कमिन्स नभई मिनी लिलामीमा बिक्रि हुने सबैभन्दा महँगो खेलाडी मिचेल स्टार्क हुने विश्वास व्यक्त गरेका छन् ।
खेलकुद मञ्चमा कुरा गर्दै टम मुडीले भने कि उनका अनुसार मिनी लिलामीमा बिक्रि हुने सबैभन्दा महँगो खेलाडी मिचेल स्टार्क हुनेछन् । उनले भने, ‘स्टिभ स्मिथ अनसोल्ड हुनेछन् र मिचेल स्टार्कले लिलामीका सबै रेकर्ड तोड्न सफल हुनेछन्, जुन हाल साम करनको नाममा छ। मलाई लाग्छ कि स्टार्कले पनि साम करनको १८.५० करोड मूल्य करोड पार गर्नेछन् ।’
