काठमाडौं । प्रमुख प्रतिपक्ष दल नेपाली कांग्रेसको केन्द्रीय निर्वाचन समितिका संयोजक राधेश्याम अधिकारीले पदबाट राजीनामा दिनुभएको छ ।
पार्टीको महाधिवेशन गराउने मुख्य जिम्मेवारीमा रहनुभएको अधिकारीले नै राजीनामा दिएपछि पार्टीभित्र थप शंका उपशंका उठ्न थालेको छ ।
यसभन्दा पहिले पटक पटक महाधिवेशनको मिति तय गर्दै महाधिवेशन सर्दै गइरहेको अवस्थामा निर्वाचन संयोजक अधिकारीले राजीनामा दिएपछि पार्टीभित्र शंका उठ्न थालेको हो ।
उहाँले आकस्मीक रुपमा राजीनामा दिएपछि सभापति शेरबहादुर देउवाप्रति असन्तुष्टि जनाउँदै उहाँले राजीनामा दिनु भएको हो की भन्ने आशंका धेरैको रहेको छ । यता उहाँ देउवाको निकटका नेता रहेको देउवासँगकै सल्लाहमा उहाँले राजीनामा दिएको अनुमान पनि कतिपयले लगाएका छन् ।
यता नेता अधिकारीले भने आफ्नो व्यक्तिगत कारणले राजीनामा दिएको बताउनुभएको छ ।
