चितवन । चितवनमा नेकपा एमालेको माधव नेपाल समूहले महिला संगठन अखिल नेपाल महिला संघको समानान्तर कमिटि गठन गरेको छ ।
शनिबार एक कार्यक्रम गरि विभिन्न संगठनहरुको समानान्तर कमिटि गठन भएको घोषणा गरिएको हो ।
जसअनुसार अनेमसंघ चितवनको अध्यक्षमा सुशिला लामिछानेलाई जिम्मेवारी दिइएको छ भने संघको उपाध्यक्षहरुमा कल्पना सापकोटा, अनिता पौडेल, सुमित्रा डल्लाकोटी रहेका छन् ।
यसैगरी सचिवमा मेनुका पाठक र सहसचिवमा चण्डिका ढकाललाई जिम्मेवारी तोकिएको छ । १५१ सदस्यिय समानान्तर कमिटिको कोषाध्यक्षमा सरस्वति लामा रहेकी छन् । सोहि कार्यक्रममा उक्त समूहले युवा संघ र अनेरास्ववियुको पनि समानान्तर कमिटि निर्माण गरेको छ ।
