यस सिजनको च्याम्पियन्स लिग फुटबल अन्तर्गत मंगलबार राति आठ वटा खेल हुँदैछन् ।
खेल तालिका अन्तर्गत नेपाली समय अनुसार मंगलबार राति १०.३० बजे समूह ए को बायर्न म्युनिखसँग राम्स पार्क रंगशालामा गालातासारेको भिडन्त हुनेछ । यही समयमा समूह डी को इन्टर मिलानसँग आरबी साल्झबर्गको सान सिरो मैदानमा खेल हुनेछ ।
यसैगरी राति १२.४५ बजे समूह सी को युनियन बर्लिन र नापोली बीच ओलम्पियास बर्लिन रंगशाला तथा सेभिया र आर्सनल बीच सेभियाको गृहमैदान रामोन सान्चेजमा खेल हुँदैछ । यही समयमा रियल म्याड्रिड र ब्रागा बीच ब्रागाको गृह मैदानमा तथा लेन्स र पिएसभी बीच स्टेड बोलार्ट मैदानमा प्रतिस्पर्धा हुनेछ ।
बेन्फीका र रियल सोडिडाड तथा म्यान्चेस्टर युनाइटेड र कोपेनहेगन बीच युनाइटेडको खेल मैदान ओल्ड ट्राफोर्डमा पनि आजै राति खेल हुँदैछ । समूह ए मा रहेको युनाइटेड लगातार दुई खेलमा पराजित भएसँगै अंक विहीन छ ।
