काठमाडौँ । आज अर्थात असोज १ गतेदेखि सर्वसाधारणले ३४ पृष्ठको राहदानीका लागि आवेदन दिन सकिने भएको छ । राहदानी विभागले आइतबार एक सूचना जारी गर्दै ३४ पृष्ठको राहदानीका लागि आजदेखि आवेदन दिन सकिने बताएको हो।
विभागमा यसअघि ६६ पृष्ठको राहदानीका लागि मात्र आवेदन दिन सकिन्थ्यो। गत असारमा ३४ पृष्ठको राहदानी सक्किएपछि विभागले ६६ पृष्ठको राहदानी वितरण गर्दै आएको थियो । ६६ पृष्ठको शुल्क पनि ५ हजार रुपैयाँ नै बनाएर विभागले त्यही राहदानी दिइरहेको थियो।
अहिले ६६ पृष्ठको राहदानी सकिएको छ र अब केही समय ३४ पृष्ठको राहदानीमात्र विभागले उपलब्ध गराउने छ।
विभागका अनुसार आइतबारसम्म आवेदन दिएकाहरूले पनि ६६ पृष्ठको राहदानी पनि पाउने छन्।
