काठमाडौँ । पूर्वाधार तथा विकास समितिको सभापतिको उम्मेद्वारी छोडेका माओवादी केन्द्रका सांसद माधव सापकोटाले कोशी सरकार बचाउन आफूले त्याग गरेको बताएका छन् ।
यसअघि माओवादी केन्द्रले आफ्नो भागमा परेको विकास समितिको सभापति सापकोटालाई बनाउने तयारी गरेको थियो । तर, राप्रपाले कोशीमा गठबन्धनलाई सहयोग गर्ने भनेपछि आफूले सभापति त्याग गरेको सापकोटाले बताए । ‘कोशीमा गठबन्धन सरकारलाई राप्रपाले समर्थन गर्ने गरी हामीले सभापति दिने प्रस्ताव गर्यौं । त्यहिभएर मैले सभापति छोडेको हुँ । यद्यपी दलहरूबीच भने त्यस्तो लिखित सहमति भएको छैन’, उनले भने ।
यससँगै राप्रपाबाट मकवानपुर–१ का सांसद दीपक सिंहले सभापतिमा उम्मेद्वारी दिएका छन् । सिंहको प्रस्तावक माधव सापकोटा र समर्थक एमालेका प्रेमबहादुर महर्जन रहेका छन् ।
