काठमाडौं: न्यूजील्यान्डमा जारी विश्वकप महिला फुटबल अन्तर्गत आज अस्ट्रेलियाको सिड्नीस्थित एलियान्ज रंगशालामा भएको पहिलो खेलमा नेदरल्यान्ड्सले दक्षिण अफ्रिकालाई पराजित गरेको छ ।
नेदरल्यान्ड्सले २–० गोल अन्तरले खेल जित्दै क्वाटरफाइनलमा प्रवेश गरेको छ ।
विजयी नेदरल्यान्ड्सका लागि जिल रुर्डले नवौं मिनेटमा गोल गरेकी थिइन् भने दोस्रो गोल ६८औं मिनेटमा लिनेथ बिरेन्स्टाइनले गरेकी थिइन् ।
नेदरल्यान्ड्सले करिब ७० प्रतिशत खेल आफ्नो पक्षमा पारेको भए पनि गोल गर्ने अवसर दुबै टिमले सिर्जना गरेका थिए ।
दोस्रो खेल, डिफेन्डिङ च्याम्पियन संयुक्त राज्य अमेरिका र स्वीडेनबीच अहिले जारी छ । दुबै टिमबाट ८५ मिनेटसम्म कुनै गोल हुन सकेको छैन ।
