एजेन्सी । फिफा महिला विश्वकप अन्तर्गत कोलम्बियाले जित निकालेको छ । समूह चरण अन्तर्गतको खेलमा कोलम्बियाले जर्मनीलाई २–१ गोलले पराजित गरेको हो ।
आइतबार दिउँसो अष्ट्रेलियाको एदियान्ज रंगशालामा भएको खेलमा ५२ औं मिनेटमा लिन्डा काइसेडोले गोल गर्दै कोलम्बियालाई सुरुवाती अग्रता दिलाइन् । ८९ औं मिनेटमा अलेक्जान्डर पोपले पेनाल्टीमार्फत गोल गर्दै जर्मनीलाई १–१ गोलको बराबरीमा ल्याइन् ।
खेल सकिनै लाग्दा इन्जुरी समयको ९०+७ मिनेटमा मानुएला भनेगासले गोल गर्दै कोलम्बियालाई जित दिलाइन् । कोलम्बियाको यो लगातार दोस्रो जित हो । टोली समूह एच मा ६ अंकका साथ तालिकाको शीर्षस्थानमा रहेको छ । जर्मनी ३ अंकका साथ दोस्रो स्थानमा रहेको छ ।
