एजेन्सी । इन्टर मिलान च्याम्पियन्स लिगको फाइनलमा प्रवेश गरेको छ । गएराति भएको सेमिफाइनलको दोस्रो लेगमा शहरी प्रतिद्वन्द्वी इसी मिलानलाई १–० गोलले पराजित गर्दै इन्टर उपाधि नजिक पुगेको हो ।
इन्टरको जितमा एकमात्र गोल खेलको ७४ औं मिनेटमा लौटारो मार्टिनेजले गरे । यसअघि इन्टरले पहिलो लेगमा एसी मिलानकै घरेलु मैदानमा २–० ले पराजित गरेको थियो । इन्टर समग्रमा ३–० को नतिजा निकाल्दै फाइनल पुगेको हो ।
इन्टरले अब उपाधिका लागि आज राति हुने म्यान्चेस्टर सिटी र रियल मड्रिडको विजेतासँग प्रतिस्पर्धा गर्नेछ । फाइनल खेल जुन ११ मा टर्कीको इस्तानबुलमा हुनेछ ।
