काठमाडौं । नेकपा एमालेका अध्यक्ष केपी शर्मा ओलीले माओवादीले राजनीतिक स्वार्थका लागि १७ हजार मान्छे मारेको आरोप लगाएका छन् ।
आइतबार सुखानी सहिद स्मृति दिवसको विशेष कार्यक्रमलाई सम्बोधन गर्दै उनले माओवादी जनयुद्धले राजतन्त्रको अन्त्य नगरेको भन्दै यस्तो आरोप लगाएका हुन् ।
ओलीले गणतन्त्रका नाममा माओवादीले ०५२ सालपछि १७ हजार मान्छे मारेको बताए। ‘नेपालमा भएको के थियो के प्राप्तिको लागि मारिए रु बहुदलीय व्यवस्था आएकै थियो । के को लागि मारिए त भन्दा अनौठो छ ।’, उनले भने,’आज गणतन्त्रका लागि भनिन्छ । ०६३ सालको सुरूमा द्वन्द्व र हिंसा समाप्त भयो । ०६३ सालमा वृहत शान्ति सम्झौता भयो कात्तिकमा ।’
राजतन्त्र संविधान सभाले हटाएको दाबी गर्दै ओलीले भने, ‘६५ सालमा गएर राजतन्त्र संविधान सभाले हटायो भने जनयुद्धले त हटाएन होला ? जनयुद्धबाट कब्जा त गरेको होइन होला त ? संविधानसभाकै लागि १६ हजार मान्छे मर्नुपर्छ र ?’
