काठमाडौं । सर्वोच्च अदालतको निर्णय पछि एमालेका नेताहरुले मिश्रित प्रतिक्रिया जनाएका छन् । प्रदेश १ का मुख्यमन्त्री शेरधन राईले सर्बोच्चको फैसलाले मुलुक गंभीर संकट र अस्थिरतामा धकेलिएको टिप्पणी गर्नुभएको छ । उहाँले संसदीय ब्यवस्था र दलीय प्रणालीको मुल मर्म मै नांगो प्रहार भएको दाबी गर्नुभएको छ ।
उता नेकपा एमालेका नेता योगेश भट्टराईले सर्बोच्च अदालतको संबैधानिक बेन्चद्वारा प्रतिनिधिसभाको पुनः स्थापना गर्ने गरी गरेको आदेशको सम्मान र स्वागत गर्नुभएको छ । उहाँले बदलिएको अबस्थामा नेकपा एमालेको एकतालाई जोगाउन एमालेका समस्त नेता र कार्यकर्ता हरुमा संयम र धैर्यताकासाथ अघि बढ्न आह्वन गर्नुभएको छ । फैसला पछि सामाजिक संञ्जलमा नेता भट्टराईले लेख्नु भएको छ –
सर्वोच्च अदालतको संवैधानिक बेन्चद्वारा प्रतिनिधिसभाको पुनः स्थापना गर्ने गरी गरेको आदेशको सम्मान र स्वागत गर्दछु । बदलिएको परिस्थितीमा प्रतिनिधिसभाको बाँकी कार्यकालको शुनिश्चितता सहित नेकपा एमालेको एकतालाई जोगाउन एमालेका समस्त नेता र कार्यकर्ता कमरेडहरुमा संयम र धैर्यताकासाथ अघि बढ्न आह्वन गर्दछु । हिजो भएको १० बुदे सहमतिलाई ईमन्दारिताकासाथ कार्यन्वयन गर्दै नेकपा एमालेलाई संसदभित्र र बाहिर पनि एक ढिक्का रहने छ भन्ने बिश्वास ब्यक्त गर्दछु ।
उता एमालेका नेता बिष्णु रिजालले सरकार आउने—जाने नियमित कुरा नियमित भएको भन्दै संसदमा एमाले नै निर्णायक शक्तिका रुपमा रहने उल्लेख गर्नुभएको छ । उहाँले लेख्नु भएको छ
–सरकार आउने–जाने नियमित कुरा हो । हामी एमालेका लागि मुख्य कुरा हाम्रो पार्टी एकता हो । हिजो भएको सहमति अनुसार पार्टीलाई बचाउन सक्दा सदनमा देउवाको बहुमत पुग्दैन । एमाले नै निर्णायक रहन्छ । सदनमा पनि एमाले एक नम्बर, चुनावमा पनि एमाले एक नम्बर १किनकि, चुनावको विकल्प छैन ।
