काठमाडौं । पूर्वप्रमुख निर्वाचन आयुक्त भोजराज पोखरेलले प्रधानमन्त्री पुष्पकमल दाहाललाई विश्वासको मत दिएर नेपाली कांग्रेसल आफू र शिशु लोकतन्त्रलाई झनै कमजोर बनाएको बताउनुभएको छ ।
सामाजिक सञ्जाल ट्विटरमा ट्विट गर्दै उहाँले नेपाली कांग्रेसको नाम नलिई देशको प्रमुख राजनीतिक शक्तिले हालै लिएको निर्णयले अन्ततः ऊ आफैँ र शिशु लोकतन्त्र झनै कमजोर बनाउने बाहेक अरु कुनै उपलब्धि दिन नसक्ने बताउनुभएको छ ।
पूर्वप्रमुख निर्वाचन आयुक्त पोखरेलले नेपाली कांग्रेसको सत्तामोहलाई उत्कर्ष बिम्ब भन्दै यसलाई ‘साँढेको फल झर्ला र खाउँला’ भनेर स्यालले बिना उपलब्धि साँढेलाई पछ्याएको उक्तिसँग तुलना गर्नुभएको छ ।
