बुटवल । नेकपा (एमाले) लुम्बिनी प्रदेश संसदीय दलका नेता लिला गिरी प्रदेशको मुख्यमन्त्रीमा नियुक्त हुनुभएको छ ।
प्रदेशप्रमुख अमिक शेरचनले उहाँलाई मुख्यमन्त्रीमा नियुक्त गर्नुभएको हो ।
८७ सदस्यीय प्रदेशसभामा उहाँलाई ५८ सदस्यको समर्थन छ । एमालेका २९ सहित सत्ता गठबन्धनका नेकपा (माओवादी केन्द्र) का १०, राप्रपाका ४, जसपा र जनमत पार्टीका ३/३ र नागरिक उन्मुक्ति पार्टीका ४ जनाको समर्थनमा गिरी मुख्यमन्त्री बन्नुभएको हो । त्यस्तै उहाँलाई लोसपाका ३ र स्वतन्त्र २ सदस्यले समेत समर्थन गर्नुभएको छ ।
