काठमाडौँ । नेकपा (एमाले) परित्याग गरेका घनश्याम भुसाल नेकपा (एकीकृत समाजवादी) मा प्रवेश गर्ने हुनुभएको छ ।
गत मंसिर ४ गतेको प्रतिनिधिसभा सदस्य निर्वाचनमा एमाले त्यागेर भुसाल स्वतन्त्र उम्मेदवार बन्नुभएको थियो । उहाँ एमालेका छविलाल विश्वकर्मासँग पराजित हुनुभएको थियो ।
एकीकृत समाजवादीका प्रवक्ता जगन्नाथ खतिवडाले केही दिनभित्रै भुसालदले एकीकृत समाजवादीमा प्रवेशको तयारी गर्नुभएको जानकारी दिनुभयो । भुसालले एकीकृत समाजवादीमा महासचिव पद मागेको तर उहाँलाई सुरुमा सचिवालय सदस्य दिने तयारी भएको बताइएको छ ।
भुसालसँगै एमालेका केही सदस्य पनि एकीकृत समाजवादीमा प्रवेश गर्ने तयारी गरेको समाचार छ । उहाँसँगै योगेन्द्र शाही पनि प्रवेश गर्ने तयारीमा हुनुहुन्छ । शाही एमाले त्यागेर नेकपा (माओवादी केन्द्र)बाट प्रदेशसभाको उम्मेदवार बन्नुभएको थियो ।
भुसालसँगै टंक कार्की, उषाकिरण तिमल्सिना, अरविन्द सिंह, सुरेन्द्र मानन्धर, दीपकप्रकाश पाठकलगायत एकीकृत समाजवादीमा प्रवेश गर्ने बताइएको छ ।
