पोखरा । गण्डकी प्रदेशमा नेकपा (एमाले) का प्रदेश संसदीय दलका नेता खगराज अधिकारी मुख्यमन्त्रीमा नियुक्त हुनुभएको छ ।
संविधानका धारा १६८ को उपधारा २ बमोजिम दुई वा दुईभन्दा बढी दलको समर्थन जुटाएर बहुमत जुटाएका अधिकारीलाई प्रदेश प्रमुख पृथ्वीमान गुरुङले मुख्यमन्त्रीमा नियुक्त गर्नुभएको हो ।
गण्डकी प्रदेशमा ६० प्रदेशसभा सदस्य छन् । अधिकारीले एमालेका २२, नेकपा (माओवादी केन्द्र) का ८, राष्ट्रिय प्रजातन्त्र पार्टी (राप्रपा) का २ र एक स्वतन्त्र सदस्य दीपक मनाङेसहित कूल ३३ सदस्यको समर्थनमा मुख्यमन्त्रीमा दाबी पेस गर्नुभएको थियो ।
