काठमाडौँ । राष्ट्रपति विद्यादेवी भण्डारीले नागरिकता विधेयक प्रमाणीकरण गर्न ढिला गरेको भन्दै नेपाली कांग्रेसको भ्रातृ संगठन नेपाल विद्यार्थी संघ (नेविसंघ) ले विरोध प्रदर्शन गरेको छ ।
विरोधमा नेविसंघले आज बिहान त्रिचन्द्र क्याम्पसअगाडि राष्ट्रपति भण्डारीको पुत्ला दहनको प्रयास समेत गरेको छ ।
विद्यार्थीहरुले राष्ट्रपति भण्डारीको पुत्ला दहन गर्न खोजेपछि प्रहरीले हस्तक्षेप गरेको थियो । प्रहरीमाथि विद्यार्थीहरुले ढुंगामुढासमेत गरेका थिए । प्रहरीले बल प्रयोग गरेपछि विद्यार्थीहरुसँग केही ठाउँमा झडपसमेत भएको थियो ।
विद्यार्थीहरुको प्रदर्शनका कारण सो ठाउँमा सवारीसाधनको आवागमनसमेत रोकिएको थियो ।
