एजेन्सी । इंग्लिस प्रिमियर लिग फुटबल अन्तर्गत चेल्सीले पराजय ब्यहोरेको छ । आइतबार राति सम्पन्न खेलमा चेल्सी लिड्स युनाइटेडसँग ३–० गोलले पराजित भएको हो ।
घरेलु मैदानमा लिड्सलाई जित दिलाउन खेलको ३३ औं मिनेटमा ब्रेन्डन आरान्सन, ३७ औं मिनेटमा रोड्रिगो मोरेनोले तथा ६९ औं मिनेटमा ज्याक ह्यारिसनले गोल गरे ।
जितसँगै लिड्सले ३ खेलबाट ७ अंक बटुल्दै तालिकाको तेस्रो स्थानमा रहेको छ । समान खेलबाट ४ अंक जोडेको चेल्सी १२ औं स्थानमा रहेको छ ।
