काठमाडौँ । अखिल नेपाल फुटबल संघ (एन्फा)ले तीन वटा समिति गठन गरेको छ । एन्फा केन्द्रीय कार्यसमितिको एन्फा कम्प्लेक्स सातदोबाटोमा जारी बैठकले नेपाल सुपर लिग (एनएसएल) फ्रेञ्चाइज फुटबलको विषयमा निर्णय गर्नका लागि सात सदस्यीय समिति गठन गरेको छ ।
सो समितिको संयोजकमा एन्फा अध्यक्ष पंकजविक्रम नेम्वाङ रहेका छन् । समितिका सदस्यमा उपाध्यक्ष कुमार केसी र दीपक खतिपडा तथा एन्फा सदस्यहरु टीका लामा, मनिराज विष्ट, पुरुषोत्तम थापा र रवीन्द्र चन्द रहेका छन् ।
केन्द्रीय कार्यसमितिको बैठकले उपाध्यक्ष विराटजंग शाहीको संयोजकत्वमा पदपूर्ति समितिसमेत गठन गरेका छन् । सो समितिको सदस्यहरुमा अनिल मल्ल र मनिष जोशी रहेका छन् । त्यस्तै बैठकले महिला साफ च्याम्पियनसिप आयोजना समिति पनि गठन गरेको छ । सो समितिको संयोजकमा उपाध्यक्ष वीरबहादुर खड्का रहेका छन् । एन्फा सचिवालयले यसअघि नै उनलाई संयोजको जिम्मेवारी दिएको थियो । केन्द्रीय कार्यसमितिको बैठकले गठन गरेका सबै समितिमा केन्द्रीय पदाधिकारी र केन्द्रीय सदस्यहरु रहेका छन् ।
एन्फाका अन्य एजेन्डा यस्तो छ:
