काठमाडौं । प्रधानमन्त्री शेरबहादुर देउवाकी पत्नी एवं काँग्रेस नेतृ आरजु राणा देउवा र भारतीय जनता पार्टीका विदेश विभाग प्रमुख डा.विजय चौथाइवालाबीच भेटवार्ता भएको छ ।
उपचारको क्रममा लामो समयदेखि भारतको दिल्लीमा रहेकी देउवा र चौथाइवालेबीच आज बुधबार भेटवार्ता भएको हो ।
चौथाइवालेले भेटघाटको तस्विर आफ्नो ट्वीटरमार्फत सार्वजनिक गरेका छन् । आरजु देउवाले भाजपाका विदेश विभाग प्रमुख चौथाइवा नेपाल भ्रमणमा आएको बेला उनलाई राखी बाँधेकी थिइन् ।
हालै माओवादी केन्द्रका अध्यक्ष पुष्पकमल दाहाल प्रचण्ड भाजपाको निमन्त्रणमा दिल्ली भ्रमणका बेला आरजु देउवासँग पनि भेटघाट भएको थियो ।
