एजेन्सी । सर्बियन खेलाडी नोभाक जोकोभिचले विम्बल्डन टेनिस अन्तर्गत पुरुषतर्फको उपाधि जितेका छन् ।
आइतबार राती भएको फाइनलमा निक किर्गियसलाई हराउँदै जोकोभिचले विम्बल्डन जितेका हुन् ।
जोकोभिचले समग्रमा २१ औँ पटक एकल ग्रान्डस्लाम जितेका हुन् । उनी पुरुषतर्फ सर्वाधिक एकल ग्रान्डस्लाम जित्ने राफेल नाडालको कीर्तिमान बराबरी गर्नबाट एक उपाधिले मात्र टाढा छन् ।
२२ पटक ग्रान्डस्लाम च्याम्पियन बनेका ३७ वर्षीय राफेल नाडाल यसपटक चोटका कारण सेमिफाइनल त्याग्न पुगेका थिए ।
विश्व नम्बर एक जोकोभिचले सुरुवाती एक सेट गुमाए पनि उत्कृष्ट पुनरागमन गर्दै उपाधि हात पारेका हुन् । जोकोभिचले निकमाथि ४–६,६–३,६–४ र ७–६ (७–३) को सेटमा जित निकाले ।
जोकोभिचले हालसम्म अस्ट्रेलियन ओपन ९ पटक, फ्रेन्च ओपन २ पटक, ७ पटक विम्बल्डन र तीनपटक यूएस ओपन जितेका छन् । महिलातर्फको उपाधि काजकिस्तानकी एलिना राइबाकिनाले जितेकी छिन् ।
