हेटौंडा । नेपाल कम्युनिस्ट पार्टीका नेता माधवकुमार नेपालले सरकार जनताको काम भन्दा अन्यत्रै लरबराएको आरोप लगाएका छन् । उनले भने, सरकारले जनअपेक्षाअनुसार काम गर्न सकेन, अन्त्यै कतै लरबरायो ।
आइतबार हेटौंडामा आयोजित कार्यक्रममा नेता नेपालले सरकारले काम गर्न खोजेको जस्तो त देखिएको तर पनि काममा होइन कि अन्त कतै लरबरिएको छ, हामीलाई त्यस्तै भान भएको छ ।
सरकारको कमजोरी औल्याएर सुधारका लागि पार्टी सचिवालयमा गम्भीर छलफल हुनुपर्नेमा उनले जोड दिए । नेता नेपालले अहिले पनि पूर्व एमाले र पूर्व माओवादीजस्तो भएको छ भन्दै दुई पार्टीबीच एकीकरणको सबै प्रक्रिया चाडै टुङ्गिने बताएका छन् ।
उनले पार्टीको सबै तहमा हुने एकीकरण प्रक्रियामा कसैको गोजीको, नाता पर्ने होइन असल, पार्टी सञ्चालन गर्न सक्ने व्यक्ति एकीकृत संगठनको अध्यक्ष हुने बताए । संगठनको निर्माणको काम ढिला हुँदा पार्टीको तथा सरकारको पनि धेरै काममा समस्या भएको उनको भनाई थियो ।
उनले कसैको गोजीको मानिस होइन कि सक्षम मानिसलाई पार्टीका हरेक तहको नेतृत्व दिनुपर्नेमा पनि जोड दिए । उनले भने, आजको आवश्यकता एकीकरण भए पनि संगठन निर्माणको नाउँमा गोजीबाट निकालेको ब्यक्तिलाई नेतृत्व दिन सकिदैन ।
उनले पार्टीको सबै तहमा हुने एकीकरण प्रक्रियामा कसैको गोजीको, नाता पर्ने होइन असल, पार्टी सञ्चालन गर्न सक्ने व्यक्ति एकीकृत संगठनको अध्यक्ष हुने बताए ।
नेता नेपालले नेपाली कांग्रेस फ्रस्टेसनको शिकार भएको आरोप लगाए । कांग्रेसले भ्रष्ट्राचार न्युनीकरण, सामजिक कुरितको विषयमा विरोध गर्नु राम्रो भए पनि विना कारणको माग राख्दै आन्दोलन गर्नुको कुनै तुक नभएको बताए ।
