काठमाडौं । लेखक तथा पूर्वसांसद चन्दप्रकाश बानियाँद्वारा लिखित ऐतिहासिक उपन्यास ‘महारानी’ बजारमा आएको छ । धौलाश्री बहुउश्द्देयीय सहकारी संस्थाको कार्यालयमा बेनी समाजको आयोजनाको राष्ट्रियसभामा नेकपाका संसदीय दलको प्रमुख तथा साहित्यकार पूर्वमन्त्री दीनानाथ शर्मा, समालोचक राम लोहनी, समालोचक तथा पत्रकार संगीतस्रोता, लेखक बानियाँ लगायतले उक्त पुस्तकको विमोचन गरे ।
सांसद् शर्माले आफू उपन्यासबाट निकै प्रभावित भएको बताउँदै पर्वत राज्यको विषयमा लेखिएको भएर पनि यसको प्रभाव बढी रहेको विचार राखे । समीक्षक लोहनीले उपन्यासबाट इतिहासको धेरैको उत्खनन् गर्न खोजिएको र उपन्यासले कुन राजकुमार राजा हुने भन्ने विषयले आफूलाई खुल्दुली लागेको बताए ।
समीक्षक संगीतस्रोताले आफू जन्मिएको क्षेत्रको इतिहासका बारेमा लेखिएको उपन्यासबाट सन्तुष्टि मिलेको जिकिर गरे । उनले उपन्यास पढने र इतिहास बुझ्नेका लागि पनि यो पुस्तक पढ्नुपर्ने बताए । यो उपन्यास शिखा बुक्सले बजारमा ल्याएको हो ।
