काठमाडाैंः नेपाल सरकारकाे निर्णय अनुसार वीरेन्द्र अस्पतालमा कार्यरत प्राविधिक रथी तथा अधिकृतहरुलाई शुक्रबार जंगी अड्डामा आयोजित विशेष समारोहमा प्रधानसेनापति पूर्णचन्द्र थापाले दर्ज्यानी चिन्ह प्रदान गर्नु भएको छ ।
नेपाली सेनाका अनुसार वीरेन्द्र अस्पतालका सहायक रथी डा नगेन्द्र बहादुर के.सी. उपरथीमा, सोही अस्पतालका प्राविधिक महासेनानी डा भरत बहादुर भण्डारी प्राविधिक सहायक रथीमा तथा प्राविधिक प्रमुख सेनानी डा सुमनराज डंगोल प्राविधिक महासेनानी दर्जामा पदोन्नति हुनु भएकाे छ ।
पदोन्नति हुनु भएका प्राविधिक उपरथी डा नगेन्द्र बहादुर के.सी.लाई सैनिक स्वास्थ्य महानिर्देशनालयको महानिर्देशकको जिम्मेवारीमा नियुक्त गरिएकाे तथा पदाेन्नति भएका डा भण्डारी र डा डंगाेललाई सोही अस्पतालमा पदस्थापन गरिएको नेपाली सेनाले जनाएकाे छ ।