काठमाडौँ । प्रहरीले काठमाडौँ छिर्ने नाका नागढुङ्गा चेक प्वाइन्टबाट सुनसहित दुई जना भारतीय नागरिक पक्राउ गरको छ ।
काँकडभिट्टाबाट काठमाडौँ आउँदै गरेको बा.प्र.०१–००२ ख ०५४२ नम्बरको यात्रुवाहक बस चेकजाँचको क्रममा ३१८ ग्राम सुनसहित दुई भारतीय नागरिकलाई पक्राउ गरिएको जिल्ला प्रहरी परिसर काठमाडौंका एसपी तथा प्रवक्ता अपिलराज बोहोराले बताए ।
पक्राउ पर्नेमा भारत महाराष्ट्र घर भएकाका २७ वर्षीय महेश अम्रृत मानी र सोही ठाउँका २४ वर्षीय राहुल खंडु सरकला रहेका छन् ।
यसबारे प्रहरी वृत्त थानकोटले अनुसन्धान गरिरहेको छ ।
