काठमाडौँ । इंग्लिस प्रिमियर लिग फुटबल अन्तर्गत म्यान्चेस्टर युनाइटेडले लज्जास्पद हार ब्यहोरेको छ ।
गएराति भएको खेलमा युनाइटेड आफ्नै घरेलु मैदान वल्ड्र ट्राफोर्डमा लिभरपुलसँग ३–० गोलले स्तब्ध बनेको हो ।
लिभरपुललाई जित दिलाउन लुइस डियाजले दुई तथा मोहम्मद सलाहले एक गोल गरे ।
खेलको ३५ औं मिनेटमा डियाजले गोल गर्दै लिभरपुललाई सुरुवाती अग्रता दिलाएका थिए । ४२ औं मिनेटमा डियाजले व्यक्तिगत तथा टोलीका लागि दोस्रो गोल गर्दै अग्रता दोब्बर पारे ।
यस्तै, ५६ औं मिनेटमा सलाहले गोल गर्दै अग्रता ३–० को बनाए । त्यसपछि थप गोल हुन सकेन ।
लिभरपुलको यो लगातार तेस्रो जित हो । ३ खेलबाट ९ अंकसहित टोली तालिकाको दोस्रो स्थानमा छ । युनाइटेड ३ अंकका साथ १४ औं स्थानमा छ ।
