काठमाडौं । बुधबार कारोबार भएको पहिलो घण्टामा नेप्से परिसूचक १९.३७ अंकले उकालो लागेर २३४६.२७ विन्दुमा पुगेको छ ।
यस दिन बजार कारोबारको पहिलो घण्टामा शून्य दशमलव ८३ प्रतिशतले बढेको हो । यस अवधिसम्म नेपाल दूरसञ्चार कम्पनीको सर्वाधिक कारोबार भएको छ । उक्त कम्पनीको रू. २७ करोड ३८ लाख बराबरको शेयर कारोबार भएको छ । सो अवधिसम्म कम्पनीको शेयरमूल्य रू. २ हजार ८४६ मा कारोबार भइरहेको छ ।
पहिलो घण्टाको अवधिमा १९६ ओटा कम्पनीको १३ हजार ०६० पटकको कारोबारमा २६ लाख ९२ हजार ९६५ कित्ता शेयरको रू.१ अर्ब ४५ करोड ६ लाख ७० हजार बराबरको खरीदविक्री भएको छ । कारोबारको पहिलो घण्टामा वेष्ट फाइनान्स, कर्पोरेट डेभलपमेण्ट बैंक, नारायणी विकास बैंक, नेपाल फाइनान्स, प्रभु लाइफ इन्स्योरेन्स, रिलायन्स फाइनान्स र सप्तकोशी डेभलपमेण्टको शेयरमूल्य ९ प्रतिशतभन्दा बढीले वृद्धि भएको छ ।
पहिलो घण्टामा कारोबारमा आएका १२ ओटा समूहको परिसूचकमध्ये म्युचुअल फण्ड समूहको परिसूचक शून्य दशमलव ११ प्रतिशतले घटेको छ भने बाँकी बैंकिङ, व्यापार, होटल्स, विकास बैंक, जलविद्युत, वित्त, निर्जीवन बीमा, उत्पादन तथा प्रशोधन, अन्य, लघुवित्त, जीवन बीमा समूहको परिसूचक बढेको छ ।
