तनहुँ । हालै सम्पन्न वैशाख ३० गतेको स्थानीय तह निर्वाचनमा पार्टीका उम्मेदवारलाई असहयोग गरेको भन्दै नेपाली कांग्रेसको तनहुँ–५ को वडासमितिले केन्द्रीय सदस्यसहित ५ जनालाई कारबाही गर्न माग गरेको छ ।
वडा समितिले केन्द्रीय सदस्य ध्रुव वाग्ले, महाअधिवेशन प्रतिनिधि एवं व्यास – ५ का निर्वतमान वडाअध्यक्ष मोहनकुमार श्रेष्ठलगायत ५ जनालाई कारबाहीको माग गर्दै नगर समितिमा ज्ञापन पत्र बुझाएको छ ।
व्यास नगरपालिकाको मेयर, उपमेयर र व्यास–५ को वडाअध्यक्षमा पार्टीका आधिकारिक उम्मेदवारलाई असहयोग गरेको र विपक्ष उम्मेदवारको पक्षमा भोट मागेको उनीहरुको आरोप छ ।
व्यास–५ को वडाअध्यक्षमा कांग्रेसका उम्मेदवार यज्ञप्रसाद खनाललाइ हराउँदै नेकपा एमालेका विष्णकुमार श्रेष्ठ निर्वाचित भएका थिए । सो वडामा यसअघि २०७४ को निर्वाचनमा कांग्रेस विजयी भएको थियो ।
